త్రిగుణాత్మక స్వరూపమే`స్త్రీమూర్తి



యువతీ మేలుకో...

యాదేవీ సర్వ భూతేషు మాతృరూపేణ సంస్థితా!

నమస్తస్యై నమస్తస్యై నమస్తస్యై నమో నమ:
ప్రతీప్రాణికోటి యందు శక్తి స్వరూపిణిగా వెలుగొందే జగన్మాతకు నేను నమస్కరించు చున్నాననిపై శ్లోకభావము. ఇక్కడ ఒక విషయాన్ని జాగ్రత్తగా గమనించినట్లయితే ప్రాణికోటి సమస్తం ఉండాలంటే ఒక మాతృమూర్తి ఉండాలి. మాతే జగజ్జనని, ఆదిపరాశక్తి, మాతృశబ్దం ఎంత గొప్పదో అంత బాధ్యతాయుతమైనది. తల్లి పిల్లలను కనడమే కాకుండా పోషణ కూడా చేస్తుంది. అందుకే మాతృదేవోభవ అని వేదాలు మాతృస్థానానికి పెద్దపీట వేశాయి.
ప్రపంచానికి మూలమైన పరమాత్మను తెలియ జేసే శబ్దం ప్రణవం. దీనిలోని అకార, ఉకార, మకార అక్షరాలే అమ్మగా మారాయి. అకార శబ్దం ద్వారా నోరు తెరుచుకుంటుంది, మకార శబ్దం ద్వారా నోరు మూసుకుంటుంది. రెండిటి నడుమ ఉన్న సంపూర్ణమైన స్థితే అమ్మ. అందుకే అమ్మ శబ్దం సంపూర్ణ శబ్దం. ఓంకారమంత విలువైన మంత్రం అమ్మ. దేవీ ఉత్సవాలను దేశవ్యాప్తంగా ప్రజలు అత్యంత ఉత్సాహంతో జరుపుకుంటారు. ప్రకృతీ స్త్రీ స్వరూపం. ప్ర అంటే సత్యగుణం, కృ అంటే రజోగుణం, తి అంటే తమోగుణం మూడు గుణాలు కలిసి త్రిగుణాత్మకమైనదే ఆదిశక్తి. మూడు గుణాలు, ప్రతీ మహిళలో ఉన్నందువలనే స్త్రీని శక్తి స్వరూపిణిగా పూజిస్తున్నాం.
దేవీ నవరాత్రులో శక్తి పూజ ప్రధానమైనది. తొమ్మిది రోజులను, సాత్వికం, రాజసం, తామసం అనే మూడు భావనులుగా స్త్రీని ఆరాధించే పద్ధతిని ప్రాచీన హిందూ సంప్రదాయం కల్పించింది. సాత్విక గుణం జ్ఞానానికి ప్రతీక. నేడు ప్రతీ మహిళ జ్ఞానమూర్తిలా వెలుగొందుతోంది. దుష్ఠసంహారం కోసం జగన్మాత కాళీరూపాన్ని దాల్చింది అది తామస గుణానికి ప్రతీక. అలాగే తదకేదైనా కీడు జరుగుతుందని తెలిసనప్పుడు తామస ప్రవృత్తిని చూపించడంలో సైతం వెనుకాడదు మహిళ. అందంలోనూ అణకువలోనూ, ఓర్పులోనూ ఔదార్యంలోనూ తన ఇంటికి తాను మహారాజ్ఝలా వెలుగొందుతోంది. ఇది రాజస గుణానికి ప్రతీక. విధంగా త్రిశక్తి సంహిత మన స్త్రీ మూర్తి. అందుకే అమ్మవారికి ప్రతిరూపమైన స్త్రీని గౌరవించి పూజిద్దాం.

- లతా కమలం


ఎన్నాళ్లీ మరణమృదంగం?

ప్రత్యేక రాష్ట్రంగా ఆవిర్భవించిన తెలంగాణ అనేక సవాళ్లను ఎదుర్కొంటోంది. అయితే.. రాష్ట్ర ఏర్పాటుతో సంబంధం లేని అతిపెద్ద సమస్య ప్రస్తుతం రాష్ట్రాన్ని పట్టి పీడిస్తోంది. అదే అన్నదాత ఆత్మహత్య సమస్య. ’కర్ణుడి చావుకు కారణాలనేకంఅన్నట్లు తెంగాణలో రైతు అకాల మరణాలకు కారణాలు క్యూ కడుతున్నాయి. వాటిని గుర్తించడం, అధిగమించడం కష్టసాధ్యమే అయినా.. పక్కా ప్రణాళికతో ప్రయత్నిస్తే అసాధ్యమేమీ కాదు. రైతుల ఆత్మహత్యలు గతంలోనూ ప్రభుత్వాలకు సవాల్ విసిరిన సందర్భాున్నాయి. అయితే.. ఇటీవలి కాలంలో చోటుచేసుకుంటున్న మరణాల సంఖ్య మరీ ఎక్కువగా ఉంటోంది. రైతు ఆత్మహత్యలే కాదు.. కళ్లముందు కనిపిస్తున్న పరిస్థితులు, భవిష్యత్తుపై భయాన్ని పెంచడం మూలంగా గుండెపోటుతో మరణిస్తున్న వాళ్ల సంఖ్య కూడా నమోదవుతోంది. అయితే.. ఇప్పుడున్న పరిస్థితుల్లో అందరినీ సందేహం తొలుస్తోంది. ఉమ్మడి రాష్ట్రంలోకన్నా.. తెలంగాణ స్వయం పాలిత రాష్ట్రం సమృద్ధిగా ఉంటుందనుకుంటే గతంలో కన్నా తీవ్ర ప్రతికూల పరిస్థితులు నెలకొనడం ఇటు రైతులను, అటు విశ్లేషకులను ఆవేదనకు గురిచేస్తోంది. మరోవైపు.. కేసీఆర్ ప్రకటనలు, హామీలు, ప్రణాళికలు ఏవీ రైతుకు భరోసా ఇచ్చేందుకు దోహదపడటంలేదు భూగర్భ జలాలు అడుగంటడం, వరుణుడు కరుణించకపోవడం, నాసిరకం విత్తనాలు వంటి సమస్యకు తోడు.. రైతు రుణమాఫీ పథకం కూడా గందరగోళంగా తయారవడం అన్నదాతకు శరాఘాతంగా పరిణమించింది. ఇప్పటివరకు రైతుల రుణమాఫీ మిస్టరీ గానే మారింది. పెట్టుబడులు భారీగా పెరిగిపోవడం, పంటకు ప్రతికూల పరిస్థితులు నెలకొనడం అన్నదాతను ఉక్కిరిబిక్కిరి చేస్తున్నాయి. ఫలితంగా అకాల మరణాలు, ఆత్మహత్యలు చోటు చేసుకుంటున్నాయి.
ఆత్మహత్య నివారణకు ఏమేం చర్యలు తీసుకోవాలన్న ఆలోచనలో ఉన్న ప్రభుత్వం..చనిపోయిన రైతు కుటుంబాలకు 6లక్షల రూపాయల ఎక్స్గ్రేషియా ప్రకటించింది. అయినా.. ఆత్మహత్యలు ఆగడం లేదు. వ్యవసాయాన్నే నమ్ముకున్న రైతులు.. ఇప్పుడు క్షేత్రస్థాయిలో వ్యవసాయమే దండగ అనే పరిస్థితులు నెలకొన్నాయి. అయితే.. రాష్ట్ర ప్రభుత్వం అంశంలో ప్రత్యేక దృష్టి పెట్టాల్సిన అవసరం ఉంది. ఎప్పటికప్పుడు దీనిపై విస్తృతంగా చర్చించాల్సి ఉంది.  ఆత్మహత్యల నివారణకు పెద్ద ఎత్తున ప్రచారం చేయడంతో పాటు.. నిధిని ఏర్పాటుచేస్తే ఆర్థికంగా తోడ్పాటుగా ఉంటుంది. అలాగే. ఆత్మహత్యలపై ప్రభుత్వం పూర్థిస్థాయిలో విచారణ కమిటీ వేసి కారణాలను విశ్లేషించాల్సి ఉంది. రైతు వ్యవసాయాన్నే నమ్ముకుంటున్నారా... వారి కుటుంబ, ఆర్థిక, రాజకీయ పరిస్థితు ఏమిటన్న వాటిపై సమగ్ర విచారణ జరిపించాల్సి ఉంది. చనిపోయిన వారి కుటుంబనేపథ్యం, ఆత్మహత్యకు దారితీసిన పరిస్థితులపైనా అధ్యయనం చేయాల్సి ఉంది. తెలంగాణ తేవడమొక్కటే తమ లక్ష్యమన్నట్టుగా.. లక్ష్యాన్ని సాధించామన్నట్టుగా.. ప్రభుత్వ పెద్దలు వ్యవహరించడం కూడా సరైంది కాదు. మరోవైపు.. ఇలాంటివి వెలుగులోకి వచ్చినప్పుడు అప్పటికేదో సానుభూతి ప్రకటించి మమ అనిపించుకోవడం, తర్వాత అంశాన్ని పూర్తిగా మర్చిపోవడం సర్వసాధారణమైపోయింది. ఇలాంటి పరిస్థితుల్లో శాశ్వతమైన పరిష్కారం కనుగొనే దిశగా ఆలోచించాల్సిన అవసరం ఉంది. అదే సమయంలో రైతన్నకు ప్రభుత్వం అండగా ఉంటుందన్న భరోసాను కూడా కలిగించాల్సి ఉంది. తెలంగాణను సస్యశ్యామలంగా మార్చే విధంగా బుర్రకు పదును పెట్టాల్సిన అవసరం ఉంది.
హంసిని సహస్ర సాత్విక

మగువలతో వణుకుతున్న ఉగ్రవాదులు



సిరియాలోజరుగుతున్నదేమిటో ప్రపంచానికి తెలుసు. ఐఎస్ఐఎస్ ఉగ్రవాదులు.. ముష్కర మూకల మారణకాండతో ప్రపంచమే అతలాకుతలం అవుతున్నది. ఐఎస్ఐఎస్ ముష్కరదాడిలో చిక్కుకొని ఎందరో పాత్రికేయులు, నాగరికులు తమ గొంతుకలను తెగనరుక్కొని హతులైనారు. ఎందరెందరో అతివలు ముష్కరమూకల్లో చిక్కుకొని క్రూరాతిక్రూర అత్యాచారాలకులోనై నరకయాతన చవిచూసినవారు ఉన్నారు. ఇది నిత్యకృత్యం. దినం`దినం గండం కాని అబల అనుకునే అతివలందరు తెగించి ఎదురొడ్డుతున్నారు. మగువలు మగమృగాళ్ళ చెర నుంచి తప్పించుకొని ఒక తెగింపు దళం తయారుచేసుకున్నారు. ముందు ముగ్గురితో ప్రారంభమై నేడు అనేక మంది మగువలు ఆత్మహుతి దళాలుగా రూపుదిద్దుకొని కఠినాతి కఠిన శిక్షణ పొంది అత్యాధునిక ఆయుధాలు ప్రయోగించటంలో ఆరితేరారు. చూడ్డానికి ముద్దులొలికే అమాయక మోముతో కనిపించే వీరి కన్నులలో అగ్నిజ్వాలు ఎగిసిపడుతున్నాయి. వీళ్ళలో అత్యధికు ఐఎస్ఐఎస్ ముష్కర మూకల చేతిలో హతులైనవారి పరివారానికి సంబంధించిన మరియు అత్యాచారాలకు లోనైనావారున్నారు. ఇప్పుడు వీరంతా అపరకాళికారౌద్రులై తిరగబడుతున్నారు. వీరి చేతిలో అంతే కర్కషంగా హతులైన ఐఎస్ఐఎస్ ముష్కరులు పదుల సంఖ్యలో ఉన్నారట. ఇక ముష్కరమూకలకు మగువల బ్రిగేడియర్స్తో వణికి ముఖం చాటేసి దాక్కుంటున్నారు. వీరితో తలపడలేక పోతున్నారు. వీరిని ఎదుర్కొవడానికి సాహసించలేక పారిపోతున్నారటమరి. దానికి ముఖ్యమైన కారణం ఏమిటంటే ముష్కరమూకలు కర్కశంగా హత్య చేస్తేజన్నాత్ (స్వర్గం) లభిస్తుందట అదే మగువల చేత చంపబడితే జహన్నుమ్ (నరకం)లో కూడా చోటుండదట. అందుకే మరి మహిళా బ్రిగేడియర్లు కనిపించగానే వణికి పలాయనం చేస్తున్నారట. కావున మహిళలు చైతన్యమైతే.. తెగిస్తే సర్వనాశనమని తలచుకుంటున్నారు.